CATÉCHÈSE DU PAPE EN LINGALA du 29 janvier 2009

Publié le par Sébastien SASA

VOICI  LA CATÉCHÈSE DU PAPE EN LINGALA

 

Bandeko ba bolingo,

 

 Lelo, masolo ma biso makotala mingi mpenza Mikanda ma Santu Polo maye matali pastorali. Santu Polo akomi yango mpo na bakambi to mpe bakengeli mpata ya ba Eklezya biye: mikanda mibala ona Timotéo mpe moko ôna Tito. Bango babale bazalaki basalisi oyo ya pembeni ba Polo mpe azwi bango bo bana baye babolingo, ba oyo apesi mpe misala, bitinda ya lokumu mpe ya bokebi penza. Mikanda miye mizali kolobela ezalela ya Eklezya oyo naino Polo akutanaki na yango te. Talani ezalela yango: ndenge ya kozala na bomoi, mpe mateya ya lokuta, mateya maye mabungisi boyambi bwa bato baiké. Mokomi mikanda miye, akoloba ete, esengeli kotanga mpe kososolo Liloba lya Nzambe na bwanya mpe na bokebi. Mpe mingi penza, tosengeli kozongela mpe kolandaka mateya maye bakulutu ba Eklezya batikelaki biso. Liloba lya Nzambe mpe Mateya maye ma bankoko ba biso na nzela ya boyambi batikelaki biso, mango nde “ntina makasi to mpe mabanga manene Nzambe atiaki awa atongi ndako ya ye mazali makasi” (2 Tim 2, 19). Yango wana, biso mpe tosengeli kosala ndenge Santu Polo akoloba na Tito : “andima bobele mateya ma solo lokola balakisi ye, mpô ‘te akoka kolendisa bato na mateya ma sôlo mpe kosukisa baye bakotiaka ntembe” (Tito 1, 9). Na se ya manso maye, ezali nde boyambi na bosakoli bolamu, mpe boboto bwa Nzambe.

 

Lisanga ya bakristu etelemi makasi zambi misisa na yango nde mizali na mambi ya ntina ya boyambi miye tokoki koloba te “bosolo”. Lisanga izali ya kokanga te. Ezali lisanga oyo efungwama na baninga banso, ezali kosambela mpo na bato banso na ntina ete bakoka koyeba solo wana bosolo. Na mikanda miye ma Santu Polo ma lelo, misala miye misatu ya Eklezya mibimi polele: mosala ya Episkopo, ya Nganganzambe mpe ya Diakono. Eklezya ezali lokola ndako ya libota, “ndako ya Nzambe”, mpe Episkopo nde azali Tata.

 

Tosambela na bosengaka na Nzambe na lisalisi ya Santu Polo, ete tozala seko, bana ba “libota lya Nzambe”.

 

 

Roma, jeudi  29 janvier 2009 (catéchèse du mercredi 28 janvier 2009)

Père Sébastien SASA NGANOMO BABISAYONE, Issjb

 

Pour être informé des derniers articles, inscrivez vous :

Commenter cet article