CATÉCHÈSE DU PAPE EN LINGALA du 12 mars 2009

Publié le par Sébastien SASA

VOICI  LA CATÉCHÈSE DU PAPE EN LINGALA

 

 

Bandeko ba bolingo,

 

Lelo, masolo ma biso ma kotala ntoma to mpe missionario momene ya bonkama mwambe. Nkombo ya ye Mosantu Bonifazio oyo bakobengaka mpe “apostolo ya ba Germains”. Abotamaki na Angletera, na mobu nkama motoba na ntuku sambo na itanu. Na batisimo, azwaki nkombo ya Winfrid. Awa azalaki naino elenge, akoti na monastero ya ba Beneditino. Mpe na tango akokisi mibu ntuku isato, akuli bonganga; akomi Nganga Nzambe. Na mobu nkama sambo na zomi na motoba, ye, elongo na baninga baye basusu, bakei o mboka Olanda mpo ya kosala etinda to mpe mission. Kuna, aoumeli mingi te. Sima ya mibu mibale, o mboka Roma, o maboka ma Papa Gregoire ya ibala, azwi kombo ya Bonifazio mpe etinda ya kosangela Sango Elamu na bana ya Germani. Na bokasi bonso, na mpiko mpe botondi, asali mosala moye kitoko penza. Na ndenge na ye ya kobongisaka mosala kitoko mpe na nzela, alakisi na bato ndenge ya ye ya kotosa mpe kozala na limemya na bo elingi Nzambe. Mosala mwa ye mokeyi tee na Gaule. Abongisi kitoko-kitoko mambi ma tali bakonzi mpe eklezya ya Germani. Asali mpe ete ba monastero ebotama ebele. Mosala na yango nde kozala esika ya bopalangani boyambi mpe mayele. Awa apusani na mbula (ntuku mwambe), Bonifazio azongeli mosala ya bopalangani Sango Elamu na Olanda oyo abandaki, mpe akufi bo martirio na mobu nkama sambo na ntuku itano na inei.

Botemo to mpe ndakisa ya Bonifazio epesa biso makasi mpo toyamba Liloba ya Nzambe na bomoi bwa biso. Esalisa biso mpe na kolinga na bokasi bonso Eklezya mpe bomoko bwa ye zinga-zinga ya Mokitani ya Petelo. Na suka, esalisa biso lisusu na kotombola moto na nzela ya mayele. Mwinda ya boyambi ya kibokristu bongengisa kitoko-kito Mayele maye.

 

 

Roma, jeudi  12 mars 2009 (catéchèse du mercredi 11 mars 2009)

Père Sébastien SASA NGANOMO BABISAYONE, Issjb

 

Pour être informé des derniers articles, inscrivez vous :

Commenter cet article